Picasso e a cultura
Como tantos outros coruñeses, visitamos no Museo de Belas Artes “O primeiro Picasso” onde ademais de contemplar obras (caricaturas, traballosacadémicos, o seu bestiario, paisaxes, xornais e álbums, retratos) daquel Picasso case neno que vive na cidade (1891-1895), tamén dispoñemos de testemuños daquela urbe finisecular, de obra posterior relacionada con estesanos, obra de mestres como Brocos ou Navarro, ou de pintores da mesmaépoca como Ovidio Murguía. Pódense ver obras tan míticas como A nena dospés descalzos ou o retrato de Pérez Costales.
“O primeiro Picasso” serve para que se salde parcialmente unha contapendente que a cidade tiña co pintor e o pintor coa cidade. Moitas persoas como Ángel Padín, cuxos libros non vimos na exposición, foron facendo o preludio desta exposición e dalgunha maneira preparando ese reencontro entre A Coruña e Picasso. As cousas non nacen dun día para outro.
Pero esta exposición debe ser posta en relación co estado da cultura en España e segundo un informe da Fundación Alternativas as cousas desde 2011 van de mal en peor. Teatro, danza, música, libros e cinema experimentaronunha baixada de consumo superior ao 25%. É iso é preocupante para hoxe, copeche de millares de empresas e coa perda de moitos empregos, e para mañá.As diversas administracións públicas baixaron severamente o investimentocultural que non dá organizado o novo universo dixital mentres seguimos cunIVA do 21%.
Picasso só non chega. Non era iso. Hai que defender a cultura pola súa repercusión no PIB, no mercado de traballo, na riqueza do país pero tamén como un instrumento indispensábel para seguir construíndo unha sociedade democrática e avanzada.“O primeiro Picasso” é unha regalía indiscustida. Volveremos a el. Pero non para perdermos a visión de conxunto. O propio Picasso non nolo perdoaría.